BOERE EENHEID FORUM - Waar ons kennis deel

Ons poog om een keer per maand ons naaste kamp te besoek met skenkings van kos/klere/bruikbare items.

U kan ook selfs groentesaad, vrugteboompies ens skenk. Hierdie mense wat ons besoek is baie goed georganiseerd, al bly hulle in enige iets van 'n tent, houthuis of sinkhuis.

Enige oorskot wat hulle ontvang, deel hulle ook uit aan ander behoeftige gesinne in hul omgewing, en glo my, daar is baie!

Indien u hout wil skenk vir houthuisies, of sink vir die dakke, maak nie saak nie. Elke bietjie help.

Ons nader nou die einde van Oktober, en ek sal graag die komende naweek weer wil deurry, mits ek voldoende het om te neem.

Mense kan my kontak wat graag 'n bydrae wil lewer.

Hallo,

Ek wil graag klere bydra. Waar kan ek dit gaan af gee / kom haal julle? Bly tans in Roodepoort.


Laat weet asb.

Hi Coen. Ons moet een of ander tyd in daardie rigting gaan om 'n skenking van meubels te gaan oplaai. Sodra daardie persoon ons laat weet dit is reg vir afhaal, kan ek jou kontak vir reelings.

Baie dankie vir jou bydrae!

Hier is die bankbesonderhede

ABSA spaar:
Dogter van Sion:
NO: 38001060811

Katryn, ek sal inbetaal. Dogter van Sion klink so ... . Ek gaan op jou woord en gee onvoorwaardelik.

Dankie noordoos. Nee dit is nie 'n sekte of so iets nie. Hulle het die naam uit die Bybel gekry. Ek is nie seker waar nie, maar dit staan iewers in Maleagi.
Hulle glo maar net om die haweloses wat daar aankom, ook geestelik te help, maar niemand is verplig om hul bybelstudie by te woon nie. Jy kan nie iemand dwing om te glo nie!
Ek is baie lief vir daardie mense en bewonder hulle vir alles wat hulle doen.

Ons het die 24ste geskenke en klere ens gaan aflaai by broodhuis, en ook geskenke by oom Dirk hulle. Ek wil regtig baie dankie se vir die mense wat soveel moeite gedoen het om vir die kinders geskenkies te koop en dit mooi toegedraai het.

Hierdie hele geskenkaksie het nogal 'n snaakse aanloop gehad. Iemand in Nieu Zeeland het haar vriende hier gekontak en gesorg dat hulle die geskenkies by my kom aflaai vir die kinders.

Baie baie dankie vir al die moeite!

Dis net ons Hemelse Vader se werk daai.

Ek het die volgende skenkings ontvang wat ek vandag gaan aflewer:
Mans, dames en kinder klere
'n reuse boks speelgoed
Kospakkies en ook 'n boks blikkies kos
Borde en glase

Baie dankie aan almal wat bygedra het!

En ons by Broodhuis Laer het dit ontvang vandag. Baie baie dankie aan almal. Ons waardeer dit. Soos ek elders gese het het ek nie eers kans gekry om fotos te neem nie want voor jy kan se mes het die kinders die speelgoed daar weg

GESEEND IS JUL ALMAL

Ek gaan Sondag na broodhuis. Ek het 'n e-pos van oom Bossie ontvang waar hy se hulle het bitter min kos. As daar iemand is wat kan help met bydraes, kontak my asb.

Onthou hierdie mense is werkende mense, hulle betaal huur en elektrisiteit. Hulle inkomstes is onvoldoende vir selfs die basiese.

Ek gaan oor twee naweke weer aflewerings doen. Ek het weereens baie klere ontvang. Dankie daarvoor!

Onthou, ons kan enige iets skenk wat bruikbaar is.

Ek het gehoor die mense se hul kos is maar skraps. As daar iemand is wat kan help met kos donasies sal dit baie waardeer word.