BOERE EENHEID FORUM - Waar ons kennis deel

Boererate (enkelvoud boereraat) is meestal ou Afrikaanse huismiddels of medisyne wat gewin word uit aftreksels van kruie of slagafval. Dit was veral in swang in die ou dae toe dokters nog skaars was en apteke vir plase te ver weg was.



· Boerseep; vervaardig uit kaiings, seepsoda, water en sout.

· Kloutjiesolie; beespote se uitgebraaide vet gebruik vir insmeer van leer, smeer van masjiene en fietse, en
1 eetlepel vol 'n dag as middel teen hoes - gemeng met suurlemoensap kan dit aangewend word aan brandwonde.

· Volstruismaag in port teen 'n slegte maag; laat 'n volstruismaag sonder vlies een week lank in 'n bottel port lê, haal die maag uit en drink daarna elke dag 'n glasie.

· Olyfolie om gewig te verloor; elke dag olyfolie op 'n snytjie graanbrood sal jou gewig help verloor.

· Molasse teen aambeie; neem daeliks 1 eetlepel vol molasse voordat jy gaan slaap.

· Melksap teen vratjies; smeer 'n vratjie elke dag in met die melksap van die melktou (Cynanchum obtusifolium en C. natalitium) of met die melksap van die vingerpol (Euphorbia esculenta) of van die noors (E. coerulescens).

· Papaja; eet die vrug in geval van voedselvergiftiging.

Afdroogdoeke
Hou afdroogdoeke sag deur hulle onder koue water uit te spoel met ‘n knippie Engelse sout by.

Asyn
Voeg ‘n bietjie asyn of suurlemoensap of witwyn by pannekoekdeeg om te verhoed dat dit taai word.

Gooi ‘n bietjie asyn of suiker by uie wat gesmoor word. Dit sal ‘n lieflike ligbruin kleur en ‘n aangename geur aan die uie verleen.

‘n Lepel asyn in die water wanneer jy ‘n eier posjeer keer dat die wit versprei.

Voeg bietjie asyn by die water as jy eiers kook. Dit keer dat die eiers bars.

‘n Bietjie asyn in die olie verhoed dat vleis wat in krummels gerol is gou vasbrand in die pan.
Die vel van tong sal maklik aftrek indien daar asyn by die water gegooi word as die gekook word.

Gooi bietjie asyn by olie waarin vis gebraai word. Die vis absorbeer minder olie.

Gooi suurlemoensap/asyn by vleis om dit sag te maak.

Verwyder visreuk van eetgerei deur dit in asynwater af te spoel.

Asyn of suurlemoen en koeksoda werk beter as handy-andi.

Asyn en koeksoda maak vir ‘n baie goeie disinfectant.

Asyn en warm water kan ontslae raak van ‘n mierplaag!

Voordat ‘n nuwe pan gebruik word, kook ‘n bietjie skoon asyn vir ‘n paar minute daarin. Sal ook voorkom dat vasbrand.

Vul met helfte wit asyn en helfte water. Stoom die strykyster tot die tenk skoon is. Hervul met skoon water en stoom weer die tenk leeg.
Citrus Soda en asyn maak ‘n aangebrande pot sommer vinnig skoon!

Vul nuwe ketel met helfte wit asyn en helfte water. Kook en laat oornag staan. Spoel die volgende dag uit met skoon water.

Aanpaksels aan ‘n ketel se element kan verwyder word deur te kook met asyn

Maak jou eie bleikmiddel met koeksoda en asyn.

Om glans terug te bring in kristalglase – gooi ‘n paar druppels ammonia in die was water en spoel af in asyn water.

Handdoeke wat hard uit die was kom - veral in brak water. Was jou handdoeke in warm water met seep en gooi ongeveer ‘n handvol sout by (Los die sout op in die water). Moet nie versagter gebruik nie. Spoel die seep goed uit. Spoel weer maar gooi so 2-3 eetlepels ammoniak of wit asyn in die laaste uitspoelwater.

Neem houertjies en gooi doodgewone asyn daarin, as dit kan hoe sterker die asyn hoe beter [met ander woorde die % asyn wat op die bottle staan] plaas dit nou oral rond, in die somermaande plaas ek ‘n bakkie voor die waaier en dit vul die vertrek totaal.
Vir lastige vlieë, gooi gewone asyn wat mens in kos gooi in klein bakkies of deksels en plaas dit op onooglike plekke bv bo-op yskas ens. Die suur reuk jaag die vlieë weg, al nadeel is dat dit vinnig verdamp (na 3 dae) maar bly nog steeds goedkoper as enige gifstowwe.
Maak juweliersware skoon deur dit oornag te week in ‘n mengsel van koeksoda en asyn. Indien nodig, skrop liggies met ‘n ou tandeborsel. Dit verwyder alle vuilighede sonder om die stene, goud of silver te beskadig.

Moenie perels oornag week nie - net vir sowat ‘n uur.

Hou jou wit klere wit deur dit in 5 liter water en 1 koppie asyn te week.

Vryf koper blink met sout en asyn/suurlemoenmengsel

Gebruik een deel asyn met twee dele gekookte lyn-olie. Die mengsel moet goed geskud word. Smeer dan aan soos meubel politoer en poleer na die tyd.

Meng asyn en suurlemoen olie om die helfte aan en gooi in ‘n spuitbottel vir jou meubels.

Vuil mikrogolf oond - Verhit ‘n 1/2 koppie asyn in die mikrogolf (nie nodig om te kook nie). Die asyn maak al die vetterigheid los. Vee mikrogolf met sagte lap uit.

‘n Paar bakkies vol asyn in die vertrek keer ook dat die rook intrek in meubels.
Skrop muwwerige panne wat roes skoon met asyn en laat droog word in die son.

Klein geroeste artikels kan ´n paar dae in asyn gelê word om die roes te verwyder.

´n Paar druppels asyn by skoenpolitoer wat hard geword het maak dit weer sag.
Maak jou stoof skoon met ‘n mengsel van sout en asyn.

Maak ´n ou kous klam met 25ml asyn en 20ml lou water en vryf spieëls blink daarmee.

Voeg twee eetlepels asyn by die water vir silwerskoon vensters.

´n Verfkwas met harde hare kan ½ uur lank geprut word in kokende asyn en agterna gewas word met skottelgoedwasmiddel.

Verfkolle: Verfkolle op vensters kan verwyder word met asyn.
Biervlekke kan uit ´n mat verwyder word deur dit met witasyn te vryf.

Sodawater of wit asyn haal gewoonlik bloed vlekke uit matte uit.

Maak ´n pasta van asyn en koeksoda en vryf dit aan die kraag.

Koperware kan pragtige blink gemaak word as dit nou en dan met sout en asyn afgevryf word.

Stop ´n skoon vloerlap in ´n plastiek groentesakkie en was jou matte daarmee. Verwyder kolle op ´n mat met 1 deel witasyn en 3 dele water.

Sodawater of wit asyn haal gewoonlik hardnekkig vlekke soos rooiwyn en bloed uit matte uit.

Om hardnekkige water vlekke in bak uit te kry kan 3 koppies asyn ingegooi word en gelaat word vir ‘n paar uur. Borsel en spoel.

Indien jy hardnekkige watervlekke in ‘n beker of houer het – Vul houer met asyn en laat staan ‘n paar uur en verwyder dan met ‘n skuursponsie. (Asyn kan oor en oor gebrik word vir die doel)

Bak en Brou

Hou kos vir ‘n groot onthaal warm op asbesverwarmers.Verwyder die pote en plaas die verwarmers horisontaal op bakstene.

Voeg bakpoeier heel laaste by koekbeslag -die koek sal dan baie lig uitrys.

5 ml Gliserien gee enige koekmengsel ´n ligter tekstuur.

Klein koekies bly langer vars as jy ‘n laag suiker onder in die bak strooi

Gooi ‘n kwart teelepel peper by jou gemmerkoekies om dit daardie effense brandsmaak te gee.

Voer jou koekiepanne uit met swaardiensaluminiumfoelie voor jy koekies bak. Dit voorkom dat die koekies merke laat.

Plaas ‘n stukkie plastiek oor deeg wat moet rys. Dit voorkom dat ´n harde lagie vorm.

Voeg ´n bietjie asyn of witwyn by pannekoekdeeg om te verhoed dat dit taai word.

Verwyder die bruin aanpaksel met ´n droë stukkie staalwol, terwyl die pan nog warm is.

Voeg ‘n half teelepel suurlemoensap by room om dit baie gouer mooi styf te klop.

Suiker en botter sal gouer meng as ´n bietjie suurlemoensap bygevoeg word.

Melk sal nie oorkook nie as ‘n albaster in die melkkastrol geplaas word.

‘n Knippie kaneel verleen ‘n pikante smaak aan kakoa.

Gooi ´n stukkie botter in vla - dit voorkom dat dit ´n velletjie maak.

Gooi ‘n klein bietjie koeksoda of suurlemoensap by om jellie vinniger te laat stol.

Om te keer dat appelkooskonfeit nie uit appelkooskonfyttertjies loop nie, klits 1 eierwit en 1 teelepel suiker goed en smeer aan rand.

Gooi bietjie sout in die braaipan om te keer dat die vetspat.

Moenie die oorskiet wyn wat oorbly weggooi nie. Vries dit in blokkies en gebruik in disse en souse.

Wanneer warm vloeistof in ‘n fles gegooi word, plaas ‘n mes onder in die fles om te voorkom dat dit bars.

As jy ‘n ryk vrugtekoek maak, voeg ‘n koppie warm, sterk koffie in plaas van melk by om die kleur van die koek te verdonker en die geur te verbeter.

Gooi ‘n bietjie asyn of suiker by uie wat gesmoor word. Dit sal ‘n lieflike ligbruin kleur en ‘n aangename geur aan die uie verleen.

Moet nooit suurmelk weggooi nie. Dis uitstekend in gebak en maak deeg ligter as vars melk.

Om die vet van sop af te skei, gooi die sop deur ‘n doek wat goed natgemaak is in koue water.

Draai ‘n pypskoonmaker om ‘n sousbottel se nek. Dit sal verhinder dat die sous teen die bottel afloop en die tafeldoek vlek.

Gebruik Mayonnaise om oor pasteie te smeer: dit bevat ook eiers en so spaar jy ‘n eier.

Gebruik ‘n skêr wat eers in meel gedruk is om glansvrugte makliker in stukke te sny.

´n Stuk brood in die houer oornag maak bruinsuiker wat hard geword het weer sag.

Braaibrood op die rooster is geneig om op te krul en die vulsel val dan uit. Bind net oorkruis vas met ‘n stukkie gare en die brood sal sy vulsel hou. Die gare sal nie brand nie.

Leë margarine papier kan gestoor word in ‘n bakkie of sakkie in die vrieskas tot bakdag. Gebruik die papier om al jou panne mee te smeer.

Draai kosse wat gestoor moet word baie styf toe in foelie & draai kosse liggies toe wat opgewarm moet word.

Smeer nuwe bakpanne met varkvet en plaas in matige oond vir 45 minute. Wanneer koud, vee af met kombuispapier.

Brood

Indien die hout broodbord kromgetrek is, plaas dit op ‘n plat oppervlakte met ‘n klam doek bo-op vir ten minste 24 uur.

As jy vleisbraai en die brood is klaar – bak vinnig ‘n broodjie deur 500g bruismeel met een blikkie bier en voeg ‘n teelepel sout by. Meng alles saam en bak in ysterpot oor die kole of in die oond.

Plaas ´n pakkie sout in die broodblik om jou brood vars te hou.

Doop ou brood in water en bak dit dan weer in die oond. Dit sal vars smaak.

Eiers

Maak seker die eiers is op ‘n koel plek as jy dit aankoop – dit voorkom dat organismes groei.

Moenie gekraakte of vuil eiers koop nie.

Die kleur van die eier het nie noodwendig ‘n negatiewe uitwerking nie.

Kyk wanneer is hulle verval datum – Januarie word byvoorbeeld aangedui as 0001 en
Desember as 365.

Eiers wat bo dryf in ‘n pot is nie altyd so vars nie.

As jy die eier oopbreek om dit gaar te maak gooi dit altyd eers in ‘n piering anders kan jy dalk die ander eiers in die pan bederf as hy sleg is.

As jy hulle oopbreek en die eierwit en eiergeel loop dadelik dan is die eiers nie baie vars nie.

Eiers by langer vars as hulle by ‘n temperatuur van 5°C en by ‘n vog gehalte van 70% tot 80% bewaar word.

Dop gekookte eiers dadelik af om te keer dat ‘n swart ring om die eiergeel vorm.

Bêre eiergeel in ‘n koppie in die yskas en bedek met koue water om te keer dat ‘n skil vorm. Gebruik binne vier dae.

Eiers geklits met ‘n knippie sout kan vir drie maande gevries word.

Om te toets of ‘n eier vars is, sit dit in ‘n maatbeker met 600ml water. As die eier baie vars is, sal dit op die sykant op die bodem lê.

Moet nooit ‘n eier in die dop in ‘n mikrogolf kook nie, want dit sal ontplof.

Sny hardgekookte eiers deur met mes wat in water gedoop is en die eiergele sal nie breek nie.

‘n Lepel asyn in die water wanneer jy ‘n eier posjeer keer dat die wit versprei.

Voeg bietjie asyn by die water as jy eiers kook. Dit keer dat die eiers bars.

Om eiers langer te laat hou meng jy 400 g ongebluste kalk met 6 litre water en plaas die eiers daarin.

Gebruik natuurlike produkte om Paas-eiers te kleur.
Beet – Rooi
Saffron – Geel
Spinasie sap – Groen

Groente:

Aartappels

Voeg suurlemoensap by die water as jy ´n aartappel met skil en al kook. Die aartappel sal wit wees en jou potte sonder vlekke.

Om te verhoed dat aartappels uitloop plaas jy ‘n vars groen appel by dit.

Laat aartappels ‘n half-uur lank in melk lê om mooi bruin te bak.

Gooi ‘n eetlepel melk in ‘n kastrol waarin jy aartappels kook. Dit voorkom dat dit kleur verloor.

Kapokaartappels is lig en sag as ‘n knippie bakpoeier bygevoeg word.

‘n Gerasperde ui gee ‘n besonderse smaak aan kapokaartappels.

‘n Bietjie melkpoeier maak die aartappels ook mooi donsig.

Voeg ‘n bietjie gerasperde suurlemoenskil by aartappelslaai vir ‘n pikante smaak.

Giet slaaisous oor terwyl die aartappels nog lou is en dit trek in die aartappels in.

Beet

Om beetvlek op ‘n mat te verwyder gebruik gliserien met ‘n spons in te vryf en dit dan met warm seepwater te was.

As die beetvlek op ‘n kledingstuk is, gooi ‘n bietjie melk op die vlek en laat week in koue soutwater. Was dan in warm seepwater.

Blomkool

Sit ‘n stukkie suurlemoenskil of bietjie suurlemoensap in die water as jy blomkool kook. Dit hou die blomkool mooi wit.

Knoffel

Sny knoffel fyn en gooi in kookolie in klein houertjies. Kan baie klank so in yskas gebêre word. Die olie kan agterna weer gebruik word wat klaar knoffel geur het.

Om knoffelasem te verwyder, kou vars mint, koffie boon, pietersielie of seldery.

Pampoen

Om ‘n gesnyde pampoen vars te hou, verwyder die pitte en bedek die binnekant met ‘n lagie koeksoda.

Patats

Stowe patats kry ‘n mooi kleur as ‘n mespunt koeksoda bygevoeg word terwyl dit kook.

Radyse

Skud radyse in ‘n fles vol water om hulle deeglik te was.

Tamaties

As tamatie- en uiemoes gemaak word vir braaivleis of ander geregte, gooi ‘n kwart koppie melk op die end by en roer goed. Dit voorkom sooibrand by die mans.

‘n Knippie kerriepoeier by tamatiesop verbeter die smaak.

o Tamatiesous - Gebruik 2 kg Tamaties waarvan die kern en pitte verwyder is, 2 koppies suiker, ¼ koppie appelasyn, ½ teelepel sout. Versap die bestandele saam en kook by ‘n lae hitte vir ongeveer 1½ uur. Roer gereeld. Gooi deur ‘n sif om stukkies te verwyder Voeg 1verpoeierde Vitamien C tablet by om die kleur te behou. Vries of lê die tamatiesous in vir latere gebruik
Rissiepoeier of paprika kan voor die kook proses bygevoeg word vir smaak.

Slaaikoppe

Slaaikoppe bly langer vars in die yskas in papiersakke, nie plastieksakke nie.

Maak verlepte slaaiblare weer bros deur dit in ´n bak yskaswater te plaas; NIE yswater nie.

Uie

Om te voorkom dat uie wat bewaar word uitloop, kan die worteltjies in kookwater gebrand word voordat dit opgehang word.

Koffie
Bêre koffie in die yskas om dit vars te hou.

Kookolie

Sny die onderste deel van ´n wynbottelhouer af en bêre jou kookoliebottel daarin. Die kartonhouer suig olie wat drup op.

Kastrol

Strooi koeksoda op die aangebrande deel in ´n pot. Maak klam met ´n bietjie water en skrop.

Maaskaas

Maaskaas hou langer as jy dit onderstebo bêre.

Noedels

Noedels kan goed gevries word en dan in kookwater ontvries word - Dit is ´n vinnige proses.

Room

Om room styf geklits te kry voeg bietjie kremetart by.
Voeg ´n bietjie opgeloste gelatien by indien jy sukkel om room styf te klop.

Om vinnig suurroom te maak - neem vars room en voeg ´n bietjie karringmelk by of suurlemoensap by.Dit proe die beste indien dit oornag gestaan het.

Roomys

Sit ´n klein marshmellow onder in ´n roomyskelkie. Dit sal verhoed dat die kelkie lek.

Sout

Plaas ´n rou aartappel in jou sop/bredie indien jy te veel sout ingegooi het. Die aartappel absorbeer die ergste soutsmaak.

Wanneer gereg te sout is gooi bruinsuiker by.

Gooi ´n paar ryskorrels in die soutpotjie om te verhoed dat die sout klonterig raak in klam weer.

Om sout wat in potjies vassit los te kry, plaas potjie eers ´n paar minute in lou oond.

Gooi ‘n droë ertjie in ‘n peperpot om te voorkom dat die peper saamkleef.

Verwyder Aanpaksels

Voordat ‘n nuwe pan gebruik word, kook ‘n bietjie skoon asyn vir ‘n paar minute daarin. Sal ook voorkom dat vasbrand.

Aambeie

6 pakkies rhubarber poeier
6 pakkies salpeter
1 pakkie epsom sout
2 bottels water.
Kook tot 1 bottel oorbly.
Drink 1 dessert lepel vol.

Nugter speeksel en menswater word aanbeveel; dan ook veral tog meer bedagsaam wees watter papier, ens. 'n mens gebruik as hy aan sy natuurlike behoefte voldoen. Die beste is skoon ou linne klam gemaak met nugter speeksel en sy eie water. Harde, stywe of gedrukte papier of so iets is nadelig. Nadat jy gebad of gestort het, droog heel eerste jou hande goed af sodat dit so droog moontlik is. Droog daarna die res van jou lyf af.
Die ambeie verdwyn vinnig en nadat dit verdwyn het moet jy hierdie ritueel aanhou doen veral as jy nogal baie sukkel met ambeie. Probeer om dit 'n gewoonte te maak om jouself so af te droog.
As heirdie ritueel gelowig gevolg word sal jy nooit weer probleme met ambeie hê nie.

ARTHRITIS

2 botteltjies witdulsies.
1 koekie kamfer.
Meng goed.
Smeer aan, NIE drink nie
1 Bottel whisky
1 teelepel wassoda.
Drink 1 eetlepel vol in die oggende.
Drink van 1 tot 9 druppels Jeyes Fluid.
1ste dag 1 druppel
2de dag 2 druppels
3de dag 3 druppels
4de dag 4 druppels
5de dag 5 druppels
6de dag 6 druppels
7de dag 7 druppels
Hou so aan elke dag tot 9 druppels en die dag daarna verminder jy weer elke dag 1 druppel tot by 1. Hou so aan vir ‘n ruk.

Asma

Uie help om versperrings van die asemhalingskanale te voorkom

Baie sterk koffie help om onmiddelike verligting te gee ( Die kaffeïen in die koffie maak jou lugweë feitlik onmiddellik oop.)

Baba

VIR BABATJIES WAT KRAMPE EN WINDE HET.
1 Botteltjie krampdruppels
1 botteltjie interesdruppels
1 botteltjie versterkdruppels
1 botteltjie wonderkroon
1 botteltjie balsem vita
Maak ‘n lepel suikerwater aan en sit van elkeen ‘n druppeltjie in die suikerwater – tot 2 druppeltjies as hulle ouer as 6 maande is.
BABATJIE SLYM OP BORSIE

1 teelepeltjie gesmelte botter.
Vryf borsie daarmee in.

Woelige babas

Ek het 'n baie oulike raat vir kinders (babas tot omtrent 10 maande oud) wat baie woelig is in die aande en wat nie tot ruste wil kom nie.
Dit werk veral goed vir koliek babas.
Jy benodig :
Lennon se Entresdruppels,
Lennon se Wonderkroon en
Lennon se Rooilafentel.
Krampwater.
Jy maak dit as volg aan :
1 druppel van al die Lennon produkte vir elke maand wat die baba oud is met genoeg krampwater om die bitter smaak weg te neem.

Baba se brandboudjies

Wit van een eier - liggies geklits.
Maizina - gooi in leë babapoeierblikkie
Smeer eierwit aan met watter en strooi maizina - doen dit met elke doek
wat omgeruil word. Dit vorm 'n skilletjie op die boudjies.

Bedsere

Neem 'n potjie Prep (skeerroom) en meng dit baie goed met 'n botteltjie Turlington. Smeer hierdie mengsel twee keer per dag sommer lekker dik aan. (Hierdie raat werk ook vir ander sere wat sukkel om gesond te word)
Neem die wit van 'n eier en brandewyn, roer dit goed en susses dit aan. Skoon brandewyn is ook goed. Smeer dit elke aand aan.
Laat die pasiënt op 'n gelooide vel le.

Benoude Bors

Sit kanfer In 'n pan, gooi soetolie daarop, maak dit goed warm
en sit dit op die bors.
Smeer ongebleikte linne met bokvet, strool skoorsteenroet
daarop en sit dit op die bors.

Beroerte

Tee voorkom die opbou van vetneerslae op aarwande
1 groot mespunt Engelse sout, 1 groot mespunt rool poeier.
Gee die pasiënt dit in.
Hou die voete tot aan die kniee in 'n mostertbad.
Gooi kookwater op 'n handvol rou koffle en laat dit trek.
Drink 3-maal op 'n dag.

BLAAS, NIER, NIERSTENE, ENS

Meng saam:
1 Botteltjie haarlemensis
1 Botteltjie swawel balsem
1 botteltjie balsem kopiva.
Drink 12-15 druppels op melk of suiker. Verkieslik in die aand.
1 Botteltjie halemens druppels
1 botteltjie witdulsies
1 botteltjie terpentyn
1 botteltjie balsemsulphirus
1 botteltjie olyf olie.
Alles gelyke dele – meng goed en drink 1 teelepel vol 3 maal per dag.

Blaasinfeksie

Neem twee teelepels kaneelpoeier en een teelepel heuning in 'n glas low warm water. Dit vernietig kieme in die blaas.

Bloedarmoede

Twee groot rou beet, grof gerasper in 'n glasbak. Giet 'n bottel Port daaroor.
Voeg een botteltjie LENNON VERSTERKDRUPPELS daarby Laat staan oornag om te trek.
Gooi deur doek en bere vloeistof in yskas.
Drink 3 keer per dag 'n kwart koppie vol
.
Party resepte gebruik MILK STOUT (bier) in plaas van Port.
Ander gebruik LENNON STAALDRUPPELS in plaas van Versterkdruppel

Bloeding

Sit terpentyn op die wond.
Die voering van 'n ou hoed Is ook bale goed om op die wond te sit.
Gooi 'n hele klomp peper op snywonde wat nie wil ophou bloei nie. Die peper laat die bloed stol en dit brand nie.

Bloedsuiker

Brokkoli en grondboontjies. Die chroom beheer die insullien en bloedsuiker

Bloedvinte

Maak ‘n pasta van witbrood en warm water. Sit die pasta so warm as moontlik op die swere.

Bloedvintpleister.

Droë kanfer, rou reusel, balsem copiva, harmansdrup, balsem sulphurus, pain killer, en jamaika gemmer.

BORS.(slegte bors)

1 Groot handvol wildeals
1 botteltjie pepermint druppels
1 botteltjie Borsdruppels
1½ koppie bruin suiker
Kook wildeals 10 minute. Suig deur. Kook saam met bogenoemde tot stroperig.
Drink 1 desert lepel vol 3 maal per dag.


Brandwonde

Druk dadelik 'n blokkie ys op 'n klein brandwond of hou die brandplek onder koue water. Moenie botter of petroliumjellie aansmeer nie.
Sit moskonfyt op.
Lynolielappe help om die brand uit te trek.
Kasterolielappe trek die brand uit
Vaselien is ook goed om die pyn te verminder en die wond te help genees
Sit tandepaste op die brandplek. Die mint trek dadelik die brand uit.
Smeer Vicks aan. Die Vicks verlig dadelik die brandpyn en voorkom ontsteking

Pleister vir brandwonde

Neem lynolie, kasterolie, 'n bietjie kanferbrandewyn, 6 tot 8 druppels harmansdrup en genoeg was om die pleister styf genoeg te maak om te smeer.

Lynolie, roosmaryn, wilde-als en was. Braal alles saam en gooi dit deur, gooi dan kasterolie by.

Bloekomplelster. Gestampte bloekomblare, 'n stukkie geel was en 'n stukkie bokvet. Braai dit uit en gooi dit deur. Voeg dan 'n bietjie soetolie en harmansdrup by.

4 eetlepels geskraapte seep, 2 eetlepels room, 2 eetlepels heuning en 'n stukkie droê kanfer. Braai dit deur-mekaar.

Breuk
Smelt aluin In ,,Eau de Cologne" en sit dit op.
Moenie swaar goed optel nie.

Bysteek

Maak 'n pasta van koeksoda en water en plaas dit op die steekplek. Dit trek die gif baie vinnig uit.

Cholestrol

As jy aan hoë cholestrol ly, laat dit toets en onthou die lesing. As jy dit na normaal wil laat sak, doen ELKE dag die volgende:
As jy wakker word in die oggend en voordat jy jou boeretroos drink, neem een huisie rou (vars) knoffel van medium grootte (of groter), sny dit in tenminste vier dele, kneus dit effens (moet dit nie pap druk nie!), en sluk dit heel in met koue water. Gooi nou jou koffiebeker vol kookwater, druk die sap van 'n halwe suurlemoen daarin of spuit 'n lekker spuit vars suurlemoen of lemmetjiesap (jy kan dit in die supermark koop - TRULEM werk goed) en drink dit om te keer dat jou asem na knoffel ruik. Sowat 40 minute nadat jy die knoffel gesluk het, kan jy maar koffie drink of eet en met jou normale bedrywighede aangaan. Die water en suurlemoen kan so tussen die skeerdery of gesig inkleurdery gedoen word!
Doen dit getrou elke oggend en laat jou cholestrol na 'n maand weer meet.
Terloops, die knoffel help vir rumatiek, keer dat jy verkoues en griep opdoen en, help om bloeddruk normaal te hou. Dis ook die goedkoopste medisyne op die mark!

1 Eetlepel wassoda opgelos in ‘n bietjie warm water.
1 Bottel Gin.
Meng en drink een eetlepel vol elke oggend.

Twee eetlepels heuning en drie teelepels kaneelpoeier wat in 500ml tee aan 'n pasiënt gegee word, verminder die cholesterol vlak in die bloed met 10% binne 2 uur.
Indien bg mengsel drie keer per dag geneem word - genees dit kroniese cholesterol

Doofheid

Sny 'n hasie oop en druk die water uit die blaas in 'n fles. Gooi 2 druppels 2 maal per dag in die oor. Steek 'n pluisie in die hasiewater en dan in die oor en maak gedurig weer nat.

Dronkenskap

30 grein ystersulfaat,
40 gram magnesia
44 dragmes* pepermentwater
44 dragmes* "Spirits of nutmeg"
Neem 1 dessertlepelvol 3-maal op 'n dag.

60 grein of 3,7cc

GAL EN GORDEL ROOS

1 teelepel borrie
½ glas water.
Drink 3 maal per dag.

Galstene

Neem 'n kwart glas (gewone bierglas) vars melk, vul dit op met
olyfolle, voeg 'n teelepel kremetart en een teelepel koeksoda by,
roer die mengsel goed deurmekaar en drink dit in die vooraand.
Neem dan 3 uur later 2 bile beans pllle en die daarop volgende
oggend een goeie dosis Engelse sout op nugter maag. Bly die
eerste en tweede dag sonder vaste voedsel. Herhaal alles 14 dae later.
(Ook vir verdikte gal)
Kneus 7 huisies knoffel en gooi in ½ bottel Gin.
Laat staan 24 uur.
Drink 1 teelepel in water twee keer per dag.

Geelsug

Neem gestampte koljandersaad, gooi kookwater daarop en laat dit trek. Gee vir 'n kind 1 teelepel vol eenmaal op 'n dag.
Skaapmelk is ook goed.
'n Rabarberpoeier met eweveel salpeter en kremetart. Maak
dit goed deurmekaar. Gee 1 eetlepel vol driemaal op 'n dag.

Geheue

Oesters is 'n goeie bron van sink wat die geheue verbeter

Gewigsverlies

Kook een koppie water met heuning en kaneelpoeier en drink dit soggens op jou nugter maag en saans voor jy gaan slaap. dit veroorsaak gewigsverlies by enige persoon. Die drankie voorkom dat vet opbou in die ligaam al eet jy ook baie kalorië

Gewrigsontsteking

Eet baie vis. Kabeljou, tuna en sardyne voorkom gewrigsontsteking

Goed gesluk

'n Speld en goed word soms gesluk deur kinders en die verpleging moet bestaan om die speld deur die ingewande te laat passeer. Met dié doel moet 'n groot kwantitelt ertappels gegee word en nie ander voedsel nie, totdat die speld gepasseer het. Moenie purgeermiddels gee nie.

Haarverlies

Mense wat aan haarverlies of kaalhoofdigheid lei kan 'n pasta van warm olyfolie, een teelepel heuning en klein bietjie kaneelpoeier aan hul kopvelle smeer voor badtyd. Laat dit vir 5 minute en was dan jou hare.
Meng 1 botteltjie BERGAMONT ESSENS (Lennon se produk - alleenlik by Apteke verkrygbaar) met1 Bottel shampoo.
Gebruik elke keer wanneer jy hare was.

Hart

1 Botteltjie Alma Hartdruppels
1 Botteltjie Witdulsies
Meng saam en drink 18 druppels 3x per dag.

(Ook goed vir senuwees)
1 Botteltjie krampdruppels
1 botteltjie versterkdruppels
1 botteltjie Alma hartdruppels
1 botteltjie salvelatlie.
Meng baie goed.
Drink driemaal op ‘n dag 1 teelepel mengsel met 1 teelepel suiker met ‘n bietjie water.

Hartkloppings

Moet nooit saans te veel of onverteerbare kos eet nie. Lê nooit op jou linkersy of op jou rug nie. Verdryf alle swaarmoedige gedagtes en laat snags 'n lampie brand.

Hartkwaal

Maak 'n pasta van heuning en kaneelpoeier en eet dit gereeld as 'n smeer op brood. Dit voorkom die opbou van cholesterol in die are en voorkom hartaanvalle. Dit verminder ook die kanse van 'n tweede aanval drasties.
Laat lemoenblare soos tee trek. Drink twee eetlepels, driemaal op 'n dag.
Brandnetels soos tee laat trek met rooi laventel
Brandnetels gedroog en op brandewyn laat trek. Neem 1
eetlepelvol driemaal op 'n dag.

Hartwater

Gebruik kanfersopies.
Neem bronkors, stamp dit fyn en druk dit deur sonder water.
Neem 'n half bottel van die bronkorssap en vul die bottel verder
met heuning. Sit die bottel in 'n brood voordat die brood in die
oond kom. Laat die bottel in die brood bak en koud word.
1 bottel Franse brandewyn, 1 bottel kruisementtee, kwart bottel rou heuning, 25 van die sterk pepermentkoekies (extra strong), 1 flessie kamille-essens, van die groot plat bottels.
Die kruisementtee moet so warm wees, dat die pepermente en
heuning smelt. Gooi die ander goed by as dit koud is.
Neem 3-maal op 'n dag 'n kelkievol, en al om die ander dag
nege druppels Haarlemmerolle, met slaaptyd.

Heesheid

1 teelepel heuning, 1 teelepel fyn gemmer, 1 teelepel tyn teesuiker, 3 eetlepels boegoe-asyn. Meng alles goed en drink
1 teelepel vol daarvan.
1 teelepel soetolie, 1 eetlepel asyn, geel van 1 eier, 1 eetlepel heuning. 1- teelepel fyn teesuiker,
Meng alles goed en drink 1 teelepel vol daarvan nou en dan.

Hoë Bloeddruk

Rasper ‘n artappel met skil en al. Gooi ‘n bietjie water by en drink op nugter maag voor enige koffie gedrink word.

Eet 'n gerasperde, medium groot artappel (rou) vir onmiddelike verligting

Olyfolie, Seldery - dit is bewys dat beide bloeddruk verlaag

Maak 'n tee deur 'n takkie wynruit in kookwater te plaas vir 5 minute. Die tee bring die bloedruk onmiddelik af. Moenie te gereeld gebruik nie - hierdie is net noodhulp.

Roosmaryn tee help om die bloeddruk te stabiliseer - (hoë- of lae bloedruk)

1 Botteltjie rooi poeier
1 pakkie kremetart
1 pakkie salpeter
1 pakkie epsom salt (Engelse sout)
Neem ‘n knippie in die môre en aand.
(Een pakkie = 1 eetlepel of in die ou gewig 1 ons).

(Ook goed vir die hart)
1 teelepel appel asyn
2 teelepels heuning
Op 1 koppie kookwater.
Drink 2x per dag so warm as moontlik.

Knoffel Pille

HOË BLOEDDRUK EN GEDRUIS IN ORE
Week ½ lb (250 gm) rosyne met pitte 24 uur lank in twee botteltjies witdulsies. Eet twee keer per dag een rosyntjie (die groot soort). As dit kleintjies is eet dan twee.
Hoesmedisyne
1 Botteltjie borsdruppels
1 Botteljie turlington
1 Botteljie Paragoriese Elikser
1 Botteljie Pepermentdruppels
500gm Heuning
½ koppie Appel Asyn.
Meng alles saam. Drink 1 teelepel vol.

½ koppie heuning
2 teelepels borsdruppels
1 teelepel paragorie
1 teelepel asyn
Meng goed en drink 1 eetlepel vol.

HOESMIDDEL (BAIE GOED)

4 onse liquorice liquid
4 onse roulyn olie.
½ koppie gin
½ lb heuning.
Meng goed. Drink sommer so kort-kort ‘n mond vol.
(My apteker maak dit vir my partykeer aan – hy gebruik ook die resep in die apteek).

Rooirissies word allerweë gebruik in die maak van hoesmedisyne.

2 eetlepels heuning, 'n bletjie kanfer,1 eetlepel asyn, brandewyn.
Maak dit goed aan.
Neem 3- of 4-maal op 'n dag daarvan.

Neem 5 of 6 kruinaeltjies in die mond en kou en sluk die sap in.

Vars botter sonder sout, skoon uitgewas en gesmelt met heuning. Roer tot dit koud is en gebruik daarvan.

Sit 'n eetlepel gliserien in 'n glas warm melk, roer dit goed en drink dit stadig.

Hoofpyn

(Migraine) Drink 20ml asyn baie stadig en die hoofpyn is gewoonlik binne 10 minute skoonveld.

Eet baie vis. Visolie help hoofpyne voorkom net soos gemmer. Beide verminder inflamasie en pyn.

Sny 'n aartappel in 4-5 skywe en plaas op elk slaap en die res op die voorkop. Bind vas met enige lap en rus vir tenminste 'n halfuur.

As jy nou regtig die dag hoofpyn het wat nie wil weggaan nie, vat 'n halwe glas melk en gooi so twee teelepels heuning daarin en roer dit totdat die heuning opgelos is. Sluk dit dan af.

Dit klink nie asof dit werk nie en ek self was skepties, totdat ek dit probeer het en dit het baie goed gewerk.

Sny 'n suurlemoen of lemmetjie in die helfte en vryf die sap op jou voorkop in. Die geklop sal dadelik ophou.

Hooikoors

Eet baie jogurt voor die stuifmeel seisoen

Imuniteit

Daaglikse gebruik van heuning en kaneel versterk die imuunstelsel en beskerm die liggaam teen bakterië en virusinfeksies.

KEELSEER
¾ teelepel fyn sout
¾ teelepel koeksoda
½ teelepel dettol
1 disprine
¾ kop water.
Gorrel kort-kort.
(BAIE GOED)

Kinkhoes
Laat kinders in die more vroeg in 'n stal speel.

Klem in die kaak

Maak 'n pap van tiemie, broodkrummels en asyn en sit dit op die kake.

Kneusing

Sit Boegoe- of bloekom-asynkompresse daarop en laat drink.

Smeer kneusplek met brandewyn

Koliek

Brand brandewyn in ‘n eetlepel totdat die vlam dood gaan en drink.

Drink lou kanferbrandewyn. Steek flennie in warm asyn en sit dit op die maag. As dit afkom sit dan 'n droë flennie op.

Koorsblare

Gebruik 'n gewone vanilla essens en plaas dit met 'n oorstokkie op die koorsblaar. (Herhaal so elke halfuur indien nodig) Die vanila essens droog die koorsblaar op.

Sodra jy voel daar is 'n koorsblaar op pad, moet jy baie roesyntjies eet.

Gooi een teelepel borrie in 'n glas water en drink wanneer koorsblare pla.

Kruie

Basielkruid (Balsemkruid)

Tee wat van die blare gemaak word help met maagsere, migrain, mondinfeksies, mangels en wurms.

'n Daaglikse dosis van die tee beheer aknee en ander velprobleme

'n Paar takkies in appelasyn help vir naarheid en maagprobleme

Gorrel die mengsel om ontslae te raak van seerkeel en mondinfeksies.

'n Aftreksel in die afspoelwater van jou hare beheer kopvelprobleme.

Kamille

Kamilletee verseker 'n goeie nagrus.

Kamille kruid in die badwate help vrouens met menstruele pyne

Help kinders met maagpyn

Knoffel

'n Knoffelhuisie wat vasgebyt word verlig tandpyn

Knoffelolie op die kopvel is goed vir skilfers.

Laventel

Laventeltee word aanbeveel vir spanningshoofpyne, lighoofdigheid, naarheid, spierspanning, slapeloosheid en depressie.


'n Pasta van die blare en kookwater is goed vir sonbrand en ligte brandwonde.


Laventelolie op die slape help vir hoofpyn

Pietersielie

Hou jou asem vars.

Verwyder knoffelreuk van jou asem.

Goed vir Artrites, koors, naarheid en hoë bloedruk.

Pietersielie in sop, bredies en slaai is goed vir die niere.

Salie

Tee van salieblare is uitstekend vir diareë (veral kinders)

Tiemie

Tiemietee help vir sooibrand, seerkeel en verkoue.

Tiemiete is ook goed vir die beheer van aknee, asma, brongietis, krampe en atleetvoet (smeer aan)

Tiemie in kinders se badwater help met verkoues en asemhalingsprobleme.

Vinkel (Duiwel-in-die-bos)

Dit haal die toksiene uit die liggaam en help met verslanking.

Verminder die effek van alkohol of te veel eet.

Vinkeltee moet vyf minute trek en een of twee koppies per dag is genoeg maar dit moet nie vir nie meer as 'n week op 'n slag gebruik word nie

Kopluise

Meng 'n halwe koppie kookolie en 'n halwe koppie asyn en vryf dit in die hare in. Los so lank as wat moontlik is en was dan die hare.

Vir nete help 'n 50:50 mengsel van wasgoedversag-middel en kookolie. Smeer aan en los vir 30 minute onder stort keps of plastieksak. Geen neet klou meer na hierdie storie nie.
Jy kan ook die hare met asyn afspoel voordat jy met luis-sjampoe was, dit versag die doppies van die nete en die sjampoe dood hulle dan. Werk nie so goed soos eersgenoemde.

1 Koppie olie (kookolie)
1 Koppie asyn
1 Koppie Parafien
a) Skud die mengsel goed
b) Wend kwistig aan droë hare & laat staan vir ± 20 min.
c) Was daarna met sjampoe in lekker sterk-lou warm water.

Laat staan kam en borsel in asynwater tussen gebruik.
Die resep is nie skadelik vir die kopvel nie; asyn en olie neutraliseer die parafien en voed die kopvel.

Die tower raad is MAYONASE! Mens smeer dit aan die hare en die luise versmoor. Jy vat genoeg mayonase om al die hare te bedek. Amper soos wanneer jy jou hare kleur.. sorg dat jy die hele haar bedek van kopvel tot punt. Skenk veral aandag aan die deel van die haar naby aan die kopvel, agter die ore en in die nek gedeelte want dis waar die luis eiers die meeste voorkom. Dan bedek jy die kind se kop met 'n plastiek inkopiesak. Jy skeur die een gedeelte van die sak oop, draai dit om die hare en knoop dit soos 'n kopdoek. Dan los jy dit so lank moontlik op. Ten minste 'n halfuur, maar 'n uur is nog beter. Nie langer as 'n uur nie. Dan was jy die hare goed met sjampoe om al die olirigheid van die mayonase af te kry en kam die hare goed deur.

Lae Bloedruk

Eet 'n handvol rosyne

LAE BLOEDDRUK EN ALGEMENE OPBOU
1 Botteltjie bruin dulsies.
1 botteltjie rooi laventel
1 botteltjie Wonderkroon essens
1 botteltjie Hoffmans druppels
1 botteltjie Balsem vita
1 teelepel Jamika gemmer
1 desert lepel Phosferine
1 teelepel in water aand en oggend.

Roosmaryn tee help om die bloeddruk te stabiliseer - (hoë- of lae bloedruk)

Lakseer

Granaatskille in melk gekook. Gebruik 2 eetlepelsvol. vir 'n volwasse persoon en 'n halwe teelepelvol vir 'n kind.

Laat amarabossies soos tee trek en drink.

Vir krampe en purgeer drink 2 eetlepels kasterolie, 1 teelepel soetolie en 15 druppels krampdruppels. Vryf die maag met terpentyn. Sit pappe van fyn naeltjies gemaak daarop.

Lam Kakebeen

Vryf die kakebeen goed met kopiva. Drink 'n mespunt sout met 'n bietjie water op die nugter maag.

Liddorings

Hou dit in warm water en sny dit dun. Sit vingerpol-melk om op 'n lappie 'n Klimopblaar is ook goed.

LOOP NEUS

Sny ‘n groot ui in ¼ duim dik.
Gooi toe met water en laat ‘n rukkie staan.
Drink net water.

Goeie wenk vir die loopneus dae....sny 'n ui baie fyn sit in 'n plastiek bakke wat goed kan seel, gooi suiker oor (+/- 3 eetelpels of meer) laat staan teen kampertemperatuur en "drink" dan die suiker/ui water so 'n teelepel elke oggend. Dit is 'n ou boereraat van ons omgewing hier uit die "ou Suidwes" en dit werk regtig goed. Is ook nie werklik so sleg nie.

Maag
Piesangs sal 'n omgekrapte maag regruk

Anys word tradisioneel reeds vir meer as 2000 jaar gebruik vir die verligting van ‘n omgekrapte maag. Verder help dit met die uitsetting van oormatige gas uit die ingewande.

Maagkrampe

Mampoer is baie goed vir krampe op die maag

Vryf rond op die maag. As die kramp hewig is, Iê flennie op wat geweek is in terpentyn op die maag. Drink gemmer wat in kookwater getrek het.

Sien ook "Spastiese Dikderm"!

Maagpyn

Drink 'n paar druppels Lennon's se pepperment druppels
in water. Herhaal na 'n uur of wat indien nodig.

Maagseer

1 Blikkie Kondensmelk
1 Botteltjie turlington
Meng alles saam. Drink 3 eetlepels vol per dag.

1 Bottel heuning
1 botteltjie turlington.
Neem 2 teelepels 3 keer per dag.

Kool bevat chemikalië wat help om maagsere te genees

Sluk 'n mespunt Samboksalf elke oggend vir tien dae lank. Die maagsweer sal dan gesond wees. Aangesien die salf van plantaardige olies gemaak word, het dit geen newe-effekte nie.

Maagwerkings

Rasper 'n appel met die skil en laat bruin word. Eet om die toestand onder beheer te bring

Menstruasie

As jy sukkel met meer as 5 dae se bloeding met menstruasie, jaag die storie bietjie aan deur 'n teelepel HAARLEMENSIS te sluk sodra jou periode begin, en alles gebeur sommer vinniger! Ons het dit gereeld beproef, maar glo my die goed is sleg - ruik en proe soos teer...maar as dit jou kan help om voor die naweek/vakansie sonder sanitêre bagasie te wees, wat 'n plesier!

Moegheid
Studies het bewys dat die suikerinhoud van heuning is meer voordelig as nadelig vir die liggaam - selfs vir mense met bloedsuiker probleme. Ouer mense wat 'n mengsel van heuning en kaneelpoeier drink, is meer op en wakker en soepel. 'n Glas water met een lepel heuning daarin en besprinkel met kaneelpoeier wat soggens geneem word en weer in die vroë middag as energievlakke begin afneem, herstel lewenslustigheid binne 'n week.